عاشق بابا
بيز بويك شاعرلرينن اوزوميزي مقايسه الميميز چوخ اشتباهدي! مخصوصا تركي ديلنده شهريارينان !
حقيقتده من شعر باشارمارام و شعر دئمك به قول لرلار هر ننه قمرين ايشي ديير! اما اوشاقلق و كندين خاطرسين ايسدرم شعره بير قولاي بنزييَن عبارتلرينن يازام. بو اميدينن كي بو خاطره لر آينده لر اوچون قالا !
چوخ ممنون اولام اگر اوز سازنده نظر لرينن مني كمك اليسيز !
عزيز اسفستان نا اورگي يانانلارا الله دان ساقليق ايستيرم !
عاشق بابا
۱ـ عـاشـق بـابـا، مـنـه يـولـداش اولارسان !
منـنـَن گـلـيـب، بـولـوت تـكيـن دولارسان!
كتده صفا اولميا،سنده گوريم سولارسان!
شهريار ،حيدر بابايه چوخ دئيب!
دنيـا اونا تاي اثره ، يـوخ دئـيب !
۲ـ شاعر دئيیرم ، منده شعر دئمرم!
او مـرحـومـا چـوخـدا بويون،ئََيرم !
رخـصـت وره،بـيـر ايكي بند گلرم
پـشتـه- سـوريـن - داشـلـي ديـزه
عاشق باباينان،گليرم قوناق سيزه
۳ـ عاشق بابا! اوشاق ليقدان باشلياق
گــچـنــلـري گـيـنـه دوراخ داشـليـاق
شـيـريـن گـونـلر يادا سالاخ، آغليـاق
آنـا آتـا چـوخـلي زحـمــت چكيبلر
بـيـزلـر اوچـون چوخلي يِرلَر،اكيبلر
۴ـ اوشاقيديق چوخلي بش داش اويناردخ
تـنـگـلـرده قــاريـشـقــا تــك قــايـنـاردخ
هـردم گـديــب در بَــچــه دن بـويـلاردخ
آج اولسايدخ سوزي بلّه سي دوتاردخ
يـيـه يـيـه يـولــداش دالــي قــاچاردخ
۵ـ جـيـجـالا ، گـيـزلـن پـارانــج، اوييني
بــيــردن سـيد گـتـيـرردي ،قــوييني
پـاك پـوزاردي بـيـزيم شيرين، اوييني
اونــدا هــره اوز قـويـونـون آييریب
گیج توخلیدا کورپی دیبینده قالیب
۶ـ قـيـشي يـايـي هـمـيـشـه بـيـز اويناردخ
اويـنـامــاقــدان هــچ وَده بــيـز دويمازدخ
آنـا گـلـيـب آپــارا، بـيـز يـالوارپ قويمازدخ
هچ زاد دا اولماسـیــدی، قيـيـش قاپدي اويناردخقرقی کیمین قييشی قاپيپ، دویونجاغ تاپدالاردخ
۷ـ قــابــاغ چـيـمـنـده چــوخـلـي تـوپ اويناياردخ
اوسـت لباسـي چيخاردب، دروازه ني قوراردخ
هـردم ده بير دعوا ساليب، قولاخلاري بوراردخ
اما كي توپدان سورا ياغچي يولداش اولاردخ
نـه يـاخـچـيـدي اوشاقلق، مگر كينـه قوياردخ!
۸ـ قــار گـــلــنــده دام بــاجـاني كــوررديـك
قــار گـولـه سيـن بـيـر گـوشيـه دوزرديك
يولدان كچن کلّسی، بيردن بیره كوپرديك
نه شاديدق، هچ غميميز يوخيدي !
پـاك اورگـیـن، مــحـبـّتي چوخيدي !
۹ـ بـوز اوسـتـي بـيـزچـوخـلــي زو گدرديك
بـير تكّه بوز سيندرب،بیزده اونـا مينرديك
آغشاماكن اوينيوب،دويماق مگر بيلرديك
گونـُشـلـيـكـده دوراندا، پـالتـاريـمز قوروردیياش لباسي باشماغی ، آنا اِوه قويموردی
!
انشا الله ادامه سي اولاجاق !
موضوعات مرتبط :
http://asfestani.blogfa.com/cat-17.aspx
http://asfestani.blogfa.com/cat-18.aspx
http://asfestani.blogfa.com/cat-19.aspx
http://asfestani.blogfa.com/cat-20.aspx
http://asfestani.blogfa.com/cat-21.aspx
http://asfestani.blogfa.com/cat-23.aspx
http://asfestani.blogfa.com/cat-25.aspx
http://asfestani.blogfa.com/cat-26.aspx
در باره ی ......