عاشق بابا 2

 

10- عـاشـق بـابـا ايـنـكلـري تـومـار لاما

     آلـتـيـن چكيـب ، دالدان پهيني يايما

     ميخدان آسب ، سبده زيل چيخادما

                                                   قويودان چكيب اولارا سو وِرَرديك

                                                   هـردم آچيـب گوله ده گوندرَرديك

 

11- دامـدا هـردم بـش اون بــاغ، اوت دوغراردخ

     باجادان توكيب شانينان، بير گوشيه ييغاردخ

    سوراليقدا سامـان ورب ، اونّان ميجه قاتاردخ

                                  اوت ورانـدا قـوش آختـارب هـر دم گو وَه باخاردخ

                                  هوش باشينان ورمياندا ، نچه بارماغي سالاردخ

 

12- حيـاطـلارا - تنگيـه زيـل سررديك

     توپدان قاچپ، گاهداندا چووررديك

     آغـشام گلـيب قاراندخدا كوررديك

                                                      فـورغـونـنـان پـهـن داما توكرديك

                                                      قيشدا لاپَكينان قارنن سوكرديك

 

13- عـاشق بابا كرمه كسمَك يادندا!

     كنـد آروادي سِـچـمـه تَزك يادندا!

     قالاخ قويوب،سوواخ چكمك يادندا!

                                          دوزه دوراخ كـــــتــــدي يــــازيـــغ ئولوبدي

                                          او ايشلييوب شهردكي دويون قارن يييبدي

 

14- عاشق بـابـا اورگ دولي ،سوزوم چوخ

      كـچـن كـچــدي اولاريـنـان ايشيم يوخ

      نامرد گوردون ، باشن گوتـور يره سوخ

                                                 رستم كيمين مرد اوغوللار گينه دوغ

                                                 جــوانـلارن خـلاف يـولـون، بيرده بوغ

الله دیئَن اولسا دالیدا وار !

مطالب مرتبط :

http://asfestani.blogfa.com/cat-16.aspx
http://asfestani.blogfa.com/cat-18.aspx
http://asfestani.blogfa.com/cat-19.aspx
http://asfestani.blogfa.com/cat-20.aspx
http://asfestani.blogfa.com/cat-21.aspx
http://asfestani.blogfa.com/cat-23.aspx
http://asfestani.blogfa.com/cat-25.aspx
http://asfestani.blogfa.com/cat-26.aspx