تقدیم عزیز اسفستان جوانلارینا!

عاشق بابا (5)

 

 ۳۳- عاشق بابا اوشاقليقين خاطره سي


     چـولــري وون يـمـنـيـكي تـــره سي


     كــنــديــن يــئــري چـولـي دره سي

 


                                         صـبـح نمازا دوراندا منن دوروب قالخال لار


                                          شامنان سورا ياتاندا، گليب منن ياتال لار


3۴- آي نه گــوزل گـونـلـريدي اوشاقلق


     گـورمك همين اويناماقي باشلاردق


     ياستي تاپيپ تِز توپوروب ياشلاردق

 


                                    خسته كن اويناماقدان خسته ني جانه گئديك


                                    نــادر اِوه گـئــتــمــدي، بـسـتـني دامه گئديك۱

 


3۵- پـالتـارلارن دوگـمـلــرين قراردخ


      تنگلرده داش اوستينه قوراردخ


     خالا تنگسينده دووارادا ووراردخ

 


                                         كــــوچــــه لـــرده چــوخـلي قارنج آتاردخ


                                          منوچرين يكه اللري،بيزده اولچي دوتاردخ۲


3۶- دگــمـنـي يئره قوراردخ


      پولينان وروب دوندرردخ


      دونَني جيـبـه سالاردخ

 


                                   اوشاقلاري جمع ليوب ، قولاخ بورماسي آتاردخ


                                   بـيـر دگـمـيـه چادمـاقـا ، چوخلي قولاخ بوراردخ


3۷- جـــــاهـــــل عـــــاشــــق آتاردي


      عــاشـقـلار جفته توخان دوراردي


      بير طرفده چوخي پاسور قوراردي

 


                                     قــومــاريــنــان گـــونـــه چــيــخــان اولمادي!


                                      توي دوتانلار بيلسيننَر ، حرام مالي قالمادي!


۳۸- عــاشــق بــابــا قـاپـي قـاپـي گيررسن


      اشاقا شوردان يوخاري شورا سوررسن


     كــچـــنــلــريــن دوز نــاغيـليـن دييَرسن

 


                                     امـــانـــدي جــاهــللار يــوخــودان دورسوننار


                                      افيون - قمار جنگينده، بتون سنگر قورسوننار

 

۱-بسته خالا چیخاردی نادر نظرینی دامنان چاغیراردی! اگر مرحوم اولسا الله اونا رحمت ئلسین!

۲- منوچهر عبادی نین الری ماشا الله یه کیدی قارنج آتماقدا بیزی اوتاردی!

الله اونودا سلامت ئلسین!

انشا الله عمیر اولسا ادامسی وار...
 

مطالب مرتبط :

http://asfestani.blogfa.com/cat-16.aspx
http://asfestani.blogfa.com/cat-17.aspx
http://asfestani.blogfa.com/cat-18.aspx
http://asfestani.blogfa.com/cat-19.aspx
http://asfestani.blogfa.com/cat-21.aspx
http://asfestani.blogfa.com/cat-23.aspx
http://asfestani.blogfa.com/cat-25.aspx
http://asfestani.blogfa.com/cat-26.aspx