عاشق بابا ۴

 

24- اردك يـــومـــورتــاســي تــاپـبـازدق
     

      كورت دوشنده،تووخدان برج آلاردق
     

     كاسادا ســو، يـانـنـا چُـرك اوْواردق


                             اردك تــووخ جـــوجـــه ســيــن، دالــي چــايــا قواندا


                             يولداشدي، گولمكينن آغلاماق، بو صحنه يه ،باخاندا!

 

25- عاشق بابا اكيزلره كوروشنني توكللر؟


     جـوتـي قـوشوب، يئري گينه سوكللر؟


     گون بـاتـنـجـاق بير گيري ني سورللر؟


                                                نـه جـان واريـدي، قـديم جـوانلاروندا!


                                                توري داما چيخادي، تك باشنا، دالندا!

 

26- عــاشــق بـابـا دامدا قوش اوينادال لار؟


     ياد گلنده ، گـوزونه توپراق سوورال لار؟


     كـرَلـيـكده ، اولارا گـيـنه، لووا قويال لار؟


                                         قوش اوينادماق، ياخچي بير ايش دگيردي !


                                         قــاپـي قــونـشـي ، جـانـا ديـلـه، گليردي !

 

27- عـــاشـــق بــــابـــا آغ دره نـــيــن توپراقي


     خانملارين اَت پالچيقي ، تنديرينون قويماقي


     اوجـــاق قـــوروب ، كـوهـلـنـدريــك آچماقي


                                           تــنــديــر اوسـتــه، دادي غـــذا بيشردي


                                           ديوارندا آغ جيگر، قاوود كيمين شيشردي

 

28- آروادلارن چـــايـــــدا لـــبــــاس يوماسي


     تِزدن گئديب داش اوستيني ، دودتماسي


     چــادرا بـِـلده ، باشدا تَشتدَن ، دوتماسي


                                                هــردم بــيـري ، آخيب چايا دوشردي


                                                كند آروادي، كيشي كيمين ئيشلردي

 

29- يـــازغ نــنــه، آغــيــر ئــيــشــلـــر گورردي


      اِوْ اشيگين جمع ليوب، دالدان چوله گلردي


      آلاق دريـــب ، ســـورا شـــتــــــه ووراردي


                                       نـــاهــاري تز گـديـب، سفره سيني آچاردي


                                       چاي چركين گوتوروب ، چوله طرف قاچاردي

 

 30- عاشق بابا بولاغدان سو داشيماخ


       بيزكچني يولدا سالوب، سيندرماخ


       قـــورخا قـــورخا اِوه طرف قئيدماخ

 
                                                 قيشدا دونوب آغيز برون ، بوزلاردي !


                                                 حـيـوان اوشاق اوه گيرجك آغلاردي!

 

31- بـي صـاحـب قـيــز، بـولاغا يـول دووَرددي


      آفـتــابـيـا بـوشالـديب،تيزده دونوب گلردي


      بیکار قالان اوغلانلار، اونون يولون گوزلردي


                                   كــتــده جــوان خــلافي ، چـوخدا گوزه گلمزدي


                                   ياشاسين اوغلان ، قيزي ! بيري خلاف بيلمزدي

 

 

32- عــاشــق بــابــا راديـو- ضبط ، گرامافون گوريبسن؟


      سي دي - دي وي دي، رنگي تلويزيون گوروبسن؟


      ام پـي تـيـري - بـلـوتوث،قرميزي مادون گوروبسن؟


                                  ايـنـتـرنـتـه گـيــرنـده ، ال ايــاقــيـــن اَسمَسين!


                                  گوزله بيردن ، اَت يئرينه بارماغووي ، كسمَسين!

 

انشاالله ادامه ........

مطالب مرتبط :

http://asfestani.blogfa.com/cat-16.aspx
http://asfestani.blogfa.com/cat-17.aspx
http://asfestani.blogfa.com/cat-18.aspx
http://asfestani.blogfa.com/cat-20.aspx
http://asfestani.blogfa.com/cat-21.aspx
http://asfestani.blogfa.com/cat-23.aspx
http://asfestani.blogfa.com/cat-25.aspx
http://asfestani.blogfa.com/cat-26.aspx