عزیز اسفستان

انسان قويون دئير !؟

آغ اكين بيچينينده هردم قوينلار دنه دوشردي،گاها چاره اولمازدي ،بيوكلردن ايسترديك حيوانين باشين كسه لر.اما او بيريسي داوارلاري اگر كرگدن چيخادماسايدخ ، يئمكلرينه ادامه وريرديلر و اصلا محتاجلارينا گلميردي !؟ شايد منيم بو سوزومه گوله سوز و دئيه سوز اولار حيوانيدي و اولاردن درك و فهم و عبرت آلما انتظار يوخدي!؟ منده سوزونن موافقم بس گرك انسان، تاي توشلارينا باخا عبرت آلا ! بس دئيون گورك او خردا كتده اينديه كين نچه نفر اشتباه يول گئديبلر و آخردا بدبخت و ذليل اولوبلار ! هانسي بينوا معتاد آخيري ياخچي اولوب !؟ بس نيا بيز عبرت آلميرخ! گرك هر نمنه ني اوزوموز تجربه ائليك تا آدام اولاخ! نيا بيلمريك بو لجن زارا دوشدوك قئيدمكه چوخ جان و اختياريمز يوخدي! كتده پول واقعا چوخ زحمتينن چيخير ، نيا حرام ائلي ييريك!؟ من اگر آرواد اوشاقمون خرجين چيخاردام ، رستم پهلوانام ! پس هرزه خرج ائله مك نمه نه دي!؟ جوانلار بيلسينلر ايسديه لر دنيا و آخرت خوشبخت اولالار تنها يولي الله ها طرف گلمه دي.هميشه نماز قيلون و گونده 5 دفعه تمرين ائليون كي هميشه الله هين يادندا اولاسوز و هر وقت اشتباه ائلدوز تز قئيدون! بو اميدينن كي هامي جوانلاريميز خوشبخت اولالار!

جــوانـســان ائـشـيــد بـيـوك لــر سوزي

                                            سـنــن اضـافـه، چكيبلر كردواري-كوزي

حق سوزونه قولاخ ور،زهرماري قوي يئره

                                            تـــورشــامــيــان قاتيخ تك ديبرتما اوزي

قــــاش پـــيـــرچــك اوتــولــوب قالمادي

                                            اوتان، اول، خجالت چك، چيخادما گوزي

تــازه جــوان آچ گـــوزو وي سـنــده باخ

                                            گـورمـه دييون يولدا گور، كثافتي- توزي

 انشا الله كي اسفستان جوانلاري هميشه شاد سالم و قيوراغ ياشييالار!

موضوع مرتبط :

http://asfestani.blogfa.com/cat-1.aspx